Mediat italiane vijojnë të kërkojnë të dhëna të reja në lidhje me zhdukjen e mistershëm të biznesmenit italian Davide Pecorelli në Pukë,ku makina me të cilin udhëtonte u gjet e djegur. Sipas mediave italiane para se të nisej, Davide i ishte besuar një shoku se do të takohej në Shqipëri me një mjek për të provuar të shiste një lazer të gjeneratës së fundit. Një marrëveshje rreth 70 mijë euro. Në të vërtetë, policia shqiptare nuk di asgjë për këtë takim, madje as profesionist që duhet të kishte blerë teknologjinë e propozuar nga sipërmarrësi i tretë nuk është identifikuar.
Prokurori i Perugia-s, Giuseppe Petrazzini po përpiqet të rindërtojë me saktësi lëvizjet, veçanërisht ato të 5 janarit. Ai gjithashtu dëshiron të kuptojë se cilët ishin miqësitë shqiptare dhe kontaktet që ai kishte arritur të krijonte veçanërisht në muajt e fundit. Për më tepër, gjendja financiare e ndërmarrjeve të Pecorelli duhet të hetohet në mënyrë që të kuptohen më mirë arsyet e udhëtimeve të tij.
Në makinë e djegur që Pecorelli kishte marrë me qira u gjetën eshtra njeriu dhe dyshohet se janë të tijat, por do të jetë AND-ja që do të zbardh të vërtetën. Gjithashtu prokuroria italiane, e cila erdhi një ditw më parë në Pukë, dhe ajo shqiptare janë duke hetuar së bashku këtë rast misterioz, dhe se pista më e fortë është ajo e vetëvrasjes, por është edhe vrasja apo zhdukja e vullnetshme e tij janë si të mundshmë.
Ndërkohë ekzaminimi i telefonit të Pecorellit ka zbuluar se nuk ka asnjë kërcënim me jetë, biseda ku ai ka shfaqur frikë apo ka qenë i shqetësuar për jetën dhe se në Shqipëri nuk ka asnjë gjurmë të pastrimit të parave, trafikut të drogës apo përplasjes me grupe kriminale.
Lajmi kryesor:
Zhdukja e biznesmenit në Pukë/ Nga Italia në Shqipëri ekspert piroteknikë! Pista më e fortë vetëvrasja, analiza e ADN-së së 45-vjeçarit të hënën do dërgohet në Perugia
