Deputetja e PD-së Ina Zhupa ka reaguar në lidhje me ndryshimet në rregulloren e Kuvendit, ku sipas AGSH, gazetarët nuk do të lejohen në seancën plenare dhe në oborrin e Parlamentit, teksa do të ketë një hapësirë të dedikuar për ta.
Zhupa shkruan në Facebook, se kufizimi i lirisë së mediave, po minon të drejtën e qytetarëve për t'u informuar mbi aktivitetin e deputetëve që ata kanë votuar.
“Gazetarët kanë gjithë të drejtën të pyesin deputetët dhe të regjistrojnë në mënyrë të pavarur aktivitetin e seancës publike parlamentare. Në republikën e censurës të Ramës, çdo hapësirë lirie për gazetarët dhe për deputetët duhet shuar!”, shkruan Zhupa.
Ndërsa në fund deputetja demokrate thekson se çdo masë e tillë eshtë represive dhe e papranueshme.
Postimi i plotë i Zhupës:
Pas porosisë së Ramës “kujdes nga gazetarët” vjen plani për mos lejuar gazetarët në sallën dhe në oborrin ku zhvillohen seancat plenare.
Një kufizim i lirisë së medias, një monopolizim me regji i ngjarjeve brenda kuvendit nën kontrollin e mazhorancës është i dëmshëm për demokracinë.
Ky plan që po gatuhet në zyrat e kuvendit minon edhe të drejtën e qytetarëve për t'u informuar mbi aktivitetin e deputetëve që ata kanë votuar.
Gazetarët kanë gjithë të drejtën të pyesin deputetët dhe të regjistrojnë në mënyrë të pavarur aktivitetin e seancës publike parlamentare. Në republikën e censurës të Ramës, çdo hapësirë lirie për gazetarët dhe për deputetët duhet shuar!
Çdo mase e tillë këtyre të drejtave është represive dhe e papranueshme. Dhe ne do bëjmë gjithçka për mos e lejuar, kur liria e medias është në prioritetet e Bashkimit Europian dhe pjesë e clusterit të parë.
Lajmi kryesor:
Asociacioni i Gazetarëve të Shqipërisë: Kuvendi plan për të kufizuar gazetarët dhe mediat!
A.D/ReportTv.al