Nasser Al Khelaifi, presidenti i Paris Saint Germain do takohet me Kylian Mbappe këtë të martë. Sipas L'Equipe, kreu i klubit francez ka në plan të udhëtojë në seancën stërvitore të skuadrës së Luis Enrique, e cila këtë të martë do të përkojë për herë të parë e plotë në ambientet e skuadrës franceze.
Presidenti dhe Mbappe do të përballen me njëri-tjetrin për zhurmën e sfondit të merkatos. Kujtojmë se Mbappe shpalli synimin e tij për të qëndruar këtë merkato në Paris dhe për të lënë klubin pas dymbëdhjetë muajsh, i lirë, duke përfituar një largim falas në 2024. Klubi nuk është i gatshëm ta pranojë këtë lëvizje dhe i kërkon atij të rinovojë kontratën pikërisht nën 'kërcënimin ' e transferimit të tij këtë verë.
Nga e marta situata mund të ndryshojë pas takimit "kokë më kokë" mes palëve. Do të jetë e nevojshme të njihen detajet e takimit mes dy protagonistëve të mëdhenj të merkatos të verës për të tentuar të gjejnë pak ide që të ndriçojnë një zgjidhje të mundshme.
Në datën 22 korrik skuadra planifikon të udhëtojë në Japoni për një turne miqësor dhe ky afat është një nga shumë "datat kyçe" që janë shënuar javët e fundit për të zgjidhur telenovelën Mbappe.
