Një kartë identiteti e Stasi-t, ose siç njihet ndryshe, Ministria e Sigurisë Shtetërore të ish-Gjermanisë Lindore, me personazh presidentin rus Vladimir Putin, ka “ndezur” rrjetin në mbarë botën.
Karta i përket presidentit rus, dhe është bërë publike nga gazeta gjermane Bild, e cila sqaron se Putin e ka përdorur gjatë kohës që shërbente si spiun i Bashkimit Sovjetik, fakt ky i njohur dhe i pranuar për presidentin.
Karta është gjetur në arkivat e stacionit policor të Stasi-t në Dresden të Gjermanisë, ndërkohë që Putin e ka marrë kartën në vitin 1985. Putin, nuk e ka fshehur kurrë krenarinë për punën e tij në KGB, shërbimi sekret rus, gjatë viteve ’80.
Karta e identitetit me gjeneralitetet e presidentit rus, Vladimir Putin
Sakaq, komentet për përfshirjen e Putin edhe në shërbimin sekret gjerman kanë qenë të shumta, pasi Stas-i, ose Ministria e Sigurisë Shtetërore të Gjermanisë Lindore njihet për mënyrën e pazakontë sesi përgjonte qytetarët.
Komente
