SERIE A - Inter ka marrë një fitore të vyer mbrëmjen e sotme, teksa mposhti në Meazza 3-2 skuadrën e Torinos. Miqtë mbetën me jnë futbollist më pak që në të 20-ën kur Maripan doli me të kuqe.
Pesë minuta më vonë, francezi Marcus Thuram hapi serinë e golave duke kaluar përpara Interin. Në të 35-ën Thuram shënoi dhe të dytin. Vetëm një minutë më vonë Zapata ngushtoi rezultatin për Torinon.
Në pjesën e dytë ishte sërish sulmuesi francez që shënoi dhe të tretin. Inzaghi bëri disa zëvendësime më tej gjatë lojës. Por në fushë nuk u preferua mesfushori shqiptar Kristjan Asllani.
Minutat e fundit, Torino e vendosi në vështirësi skuadrën zikaltër duke shënuar në të 86-ën me anë të Vlasiç nga pika e bardhë e penalltisë.
Megjithatë sfida u mbyll me shifrat 3-2 me ekipin e Inzaghit që mori pikët e plota nga ky takim, duke u ngjitur në vendin e dytë pas Napolit për momentin në renditje.
