Elbasan- Një vatër e madhe e zjarrit është shfaqur pasditen e sotme në periferi të qytetit të Elbasanit. Flakët dhe tymi janë parë në zonën e varrezave publike të qytetit.
Zjarri i madh sipas informacioneve të gazetarit të Report Tv, Ronaldo Gjoshi, iu afrua edhe banesave të zonës, duke i rrezikuar ato në orët e pasdites.
Para se vatra të bëhej më e rrezikshme, me urgjencë janë nisur drejt vendngjarjes edhe forca të shumta zjarrfikëse me mjetet e tyre. Mbeten ende të panjohura shkaqet dhe rrethanat e rënies së vatrës së zjarrit.
Pas minutash ‘lufte’ me flakët në disa drejtime, por edhe me ndihmën e banorëve, zjarrfikësit mundën në kohë që ta vënë vagtrën nën kontroll dhe që të mos rrezikoheshin banesat. Në orët e para të mbrëmjes u njoftua edhe shuarja e plotë e zjarrit dhe shmangia e rezikut të mëtejshëm.
Forcat do sigurohen edhe që vatra të mos riaktivizohet për shkak të erës dhe ndonjë shkëndije të harruar pa u shuar.
Komente
