Berat- Një zjarr i qëllimshëm ka rënë në fshatin Konisbaltë, të Bashkinë Dimal, duke shkaktuar dëme materiale dhe hektarë me pemë e bimësi të djegura.
Zjarri që sipas policisë vendore ka rënë gjatë mesnatës, mori edhe përmasa të mëdha, i favorizuar nga era, duke djegur pisha e shkurre, teksa njoftohet se ende po vijon, edhe pse nën kontroll.
Për shkak të shtrirjes së tij, në ndihmë të zjarrfikësve të Dimalit janë nisur si përforcim edhe 2 mjete zjarrfikëse e forca nga Berati, 1 nga Kuçova dhe efektivë të ushtrisë.
Terreni i vështirë e bënte të pamundur futjen e mjeteve zjarrfikëse drejt vatrës, teksa zjarrfikësit dhe forcat e ushtrisë punuan për të shuar flakët me pompa uji shpine dhe mjete rrethanore. Zjarri po vijon drejt zonës kodrinore të fshatit Konisbaltë, por fatmirësish pa asnjë rrezik për banesat e fshatit që ndodhen në anën tjetër të kodrës dhe pa të lënduar.
Zjarrfikësit njoftohet nga Emergjencat se janë duke luftuar me flakët për të neutralizuar zjarrin, që mendohet të jetë i qëllimshëm.
