Zjarre në Kretë dhe evakuime masive nga hotelet dhe shtëpitë e pushimit. Është dita e dytë e zjarreve në ishullin grek, ku flakët po përhapen në komunën e Ierapetrës në juglindje të ishullit, në provincën e Lasithit. Sipas zjarrfikësve, zjarri i madh, i cili lëviz në varësi të drejtimit të erërave të forta që fryjnë në zonë, është "ndarë" në tre fronte, të përqendruara rreth Fermas, Akhlias dhe Schinokapsalas.
Qindra banorë dhe vizitorë nga këto zona, si dhe nga Agia Fotia, Galini dhe vendbanimi Koutsounari, u zhvendosën duke ndjekur udhëzimet e autoriteteve dhe dy mesazhet e dërguara nëpërmjet 112 dhe u akomoduan në ambiente hoteliere në zona të tjera, ndërsa disa nga banorët dhe vizitorët kaluan natën në palestrën e mbyllur në Ierapetra, e cila u hap për të ofruar strehim të sigurt. Shërbimet e urgjencës mjekësore janë në gatishmëri të lartë. 8 ambulanca janë në funksion, të cilat deri më tani kanë transportuar tre qytetarë me probleme të frymëmarrjes, dy qytetarë me lëndime të lehta dhe një qytetar me probleme lëvizshmërie në spitalin e përgjithshëm në Ierapetra.
Terrible forest fire in Ierapetra, on the southeast coast of Crete, Greece ?? (02.07.2025)
— ? SA911 (@Zulu72944051488) July 2, 2025
Disaster News pic.twitter.com/DaCWTqRkKe
Sipas zjarrfikësve, një operacion i madh zjarrfikës është duke u zhvilluar me automjete tokësore dhe ajrore, ndërsa përforcime nga Athina kanë mbërritur edhe në vendngjarje. Forcat operacionale janë vazhdimisht në rritje, por operacioni i zjarrfikësve vazhdon të jetë i vështirë për shkak të erërave të forta dhe terrenit të ashpër në zonë.
Rruga kryesore pranë vendbanimit Agia Fotia është mbyllur nga policia, e cila u ka kërkuar banorëve dhe vizitorëve të shmangin të gjitha udhëtimet jo thelbësore për shkak të cilësisë së rrezikshme të ajrit, nxehtësisë ekstreme dhe rënies së hirit. Në vendbanimin Agia Fotia, shtëpitë dhe pronat me qira janë shkatërruar dhe zona është pa energji elektrike, sipas burimeve lokale.
Komente
Kreta nje ishull (shtet ) qytet gjigand. Gati sa 8 here Tirana , dhe me popullsi 700,000 banore Kreta mbetet ishull me pamje shteti , rreth 8300 km2 pak a shume tregon qe eshte nje zone me influence shume te larte , kjo tregon qe Tirana me 1100km2 si zone metropolitane eshte gati 8 here me e Vogel sesa Kreta nje ishull gjigand grek! Urojme te fiken zjarret , dhe te mos Kete ndikim tek turizmi dhe kultura greke sidomos zona Kretë nje ishull shpesh edhe shtet Brenda shtetit sa i takon GDP dhe ekonomise me gati 600-700 mije banore ne shtetin grek
Përgjigju