GREQI- Dy binjakë shqiptarë, një djalë dhe një vajzë janë në gjendje kritike për shkak të një zjarri që ka rënë në apartamentin e tyre në Athinë.
Dy të miturit kishin mbetur vetëm në shtëpi pasi nëna e tyre kishte ikur në punë dhe i kishte mbyllur brenda.
Rreth orës 10 të paradites së sotme, ata vendosën që të gatuanin një tost nga i cili dyshohet se ka nisur dhe vatra e zjarrit. Pasi panë flakët, të miturit lajmëruan menjëherë zjarrfikëset, të cilat nxituan për të shuar zjarrin.
Binjakët u transportuan menjëherë në spital, ku edhe po marrin ndihmën e parë mjekësore. Në spital ndodhet edhe nëna e tyre, e cila është në gjendjes të keqe psikologjike për shkak të ngjarjes së ndodhur.
Komento
Komente
