Një 89- vjeçar ka marr djegie në trup për shkak të një zjarri që ka përfshirë banesën e tij.
Sipas policisë, ngjarja ka ndodhur mëngjesin e sotëm, ndërsa 89- vjeçari është dërguar në spital për të marr ndihmën mjekësore, bashkë me kujdestaren e tij.
“Në lagjen nr. 4, Korçë, ka rënë zjarr në banesën e shtetasit K. Zh., rreth 89 vjeç, i cili për pasojë ka marrë djegie trupore dhe u dërgua në spital për ndihmë mjekësore, së bashku me shtetasen B. B., rreth 47 vjeçe, që kujdesej për pronarin e banesës, e cila kishte probleme me frymëmarrjen”, thuhet nw njoftim.
Grupi hetimor po punon për sqarimin e rrethanave dhe përcaktimin e shkaqeve të rënies së zjarrit, i cili paraprakisht dyshohet të ketë rënë për shkaqe aksidentale.
Komento
Komente
