KAMËZ-Teksa e gjithë vëmendja është e përqendruar në zjarret në pyjet e vendit, sidomos në jug, një tjetër vatër zjarri është konstatuar në Tiranë para pak minutash.
Gazetari i Report Tv, Arsen Rusta, raporton se zjarri ka rënë në një pikë skrapi në territorin e Bashkisë Kamëz. Nga informacionit paraprake mësohet se nuk ka asnjë person i lënduar deri tani.
Pika e skrapit ndodhet në fund të bulevardit të ri, në ndarjen mes Tiranës me Kamzën.
"Rreth orës 14:30, në rrugën “Dine Hoxha” ka rënë zjarr në pikën e skrapit në pronësi të shtetasit F. L, ku ka vetëm dëme materiale. Forcat zjarrfikëse ndodhen në vendngjarje dhe po punojnë për normalizimin e flakëve dhe fikjen e zjarrit. Grupi hetimor punon për përcaktimin e shkakut të rënies së zjarrit", ka njoftuar policia.
