TIRANE-Një sipërfaqe e konsiderueshme u përfshi nga flakët rreth 14:35 në Sauk të Vjetër, tek Lapidari në kodër. Report Tv solli pamjet nga vendi i ngjarjes.
Hapësira e përfshirë nga flakët ishte me ullishte, shkurre dhe ferra. Në vendngjarje shkuan 4 makina të zjarrfikëses për të bërë të mundur fikjen e flakëve, por terreni është shumë i vështirë. Megjithatë pas disa orësh flakët u shuan.
Nga zjarri nuk u rrezikuan banesat, pasi flakët ishin larg. Kanë qenë banorët e zonës që lajmëruan zjarrfikësen, pasi panë flakët. Grupi hetimor dhe shërbimet e policisë vijojnë punën për përcaktimin e shkakut të zjarrit, që nga të dhënat e para dyshohet se ka qenë i qëllimshëm.
Komento
Komente
