Ambasada e Shteteve të Bashkuara në Tiranë po ndjek nga afër situatën me zjarret në zona të ndryshme të vendit dhe u bën thirrje të gjithë qytetarëve amerikanë të tregojnë kujdes.
Disa zona në të gjithë vendin janë nën urdhër evakuimi. Qytetarët amerikanë që ndodhen në Shqipëri dhe kanë nevojë për ndihmë mund të kontaktojnë Ambasadën e SHBA-së në numrin 4224-7285 (duke telefonuar nga Shqipëria) ose +355-4224-7285 (duke telefonuar nga jashtë Shqipërisë), ose me email në: [email protected].
Veprime që duhen ndërmarrë:
– Qytetarët amerikanë duhet të shmangin zonat e prekura, veçanërisht ato që janë nën urdhër evakuimi, dhe të ndjekin udhëzimet e policisë në lidhje me mbylljen e rrugëve ose ndërprerjet në qarkullim. Ndiqni lajmet lokale për përditësime mbi gjendjen e zjarreve dhe planifikoni rrugët tuaja përkatësisht. Google Maps mund të ofrojë gjithashtu informacion në kohë reale për mbylljen e rrugëve dhe aktivitetin e zjarreve.
– Zjarret në pyje janë të zakonshme në Shqipëri. Thithja e tymit paraqet një rrezik serioz për shëndetin, edhe nëse nuk jeni afër flakëve. Nëse një zjarr ndodhet pranë vendndodhjes suaj, përfshirë banesën tuaj, evakuohuni menjëherë drejt një zone të pa prekur.
– Mos tentoni të kaloni me makinë në zona të prekura nga zjarret ose tymi i dendur. Kërkoni një rrugë alternative ose shtyni udhëtimin nëse nuk ka rrugë tjetër. Nëse nuk keni zgjedhje tjetër përveçse të kaloni me makinë në zonë me tym, udhëtoni ngadalë me dritaret të mbyllura, ajrosjen e jashtme të mbyllur dhe dritat e ndezura për të rritur dukshmërinë.
– Ne i inkurajojmë fuqimisht qytetarët amerikanë që ndodhen në zona të prekura dhe që janë të sigurt, të ndjekin lajmet lokale dhe të kontaktojnë të afërmit e tyre direkt dhe/ose të përditësojnë statusin e tyre në rrjetet sociale.
– Nëse keni një emergjencë të menjëhershme ose kërcënuese për jetën, ju lutemi telefononi 127 për ambulancën, 112 për policinë, ose 128 për zjarrfikësen. Mund të kontaktoni gjithashtu Emergjencat Kombëtare në email: [email protected] (http://urgjenca.gov.al/).
Komente
