DURRËS- Për orë të tëra, forcat zjarrfikëse, efektivët e policisë dhe grupe vullnetarësh, luftuan me flakët që pushtuan fabrikën e bojërave “Deutsch Color” në kilometrin e 19 të autostradës Tiranë-Durrës, në Maminas. Zjarri që ra rreth orës 20.00 të mbrëmjes së të shtunës, u arrit të shuhet plotësisht vetëm në orët e para të mëngjesit të së dielës, fatmirësisht pa asnjë person të lënduar.
Rreziku ishte i madh, për shkak të frikës se produktet kimike të industrisë së ndërtimit, mund të nxisnin përhapjen masive të flakëve, duke rrezikuar banesat përreth por edhe më keq, shpërthimin e karburanteve pranë në zonë.
Pas më shumë se 4 orësh, flakët u neutralizuan dhe puna e ekipeve u përqendrua vetëm në një vatër të mbetur brenda fabrikës, në ambientet e magazinës, ku dyshohet se u shkaktua edhe vatra e parë.
Një grup ekspertesh me specialistë nga policia, zjarrfikës dhe të krimeve po kryejnë ekzaminimet në fabrikë, për të zbuluar se çfarë e shkaktoi zjarrin që sipas rojës së sigurisë, i pari që konstatoi flakët, zjarri nisi nga brenda, në godinën e magazinimit dhe te prodhimit te bojës.
Paraprakisht hetuesit dyshojnë se ka pasur një shkëndije elektrike tek sektori i prodhimit të bojës, por nuk përjashtohet mundësia e ndonjë zjarrvënie te qëllimshme.
Policia ka marrë në pyetje dhe pronarin e fabrikës së bojërave “Deutsch Color", Luan Muça, i cili mësohet të ketë thënë se dëmi i shkaktuar është i rëndë, dhe ka theksuar se volumin më të madh të punës e kishte me klientë të mëdhenj jashtë vendit. Pikërisht mosrespektimi i kontratave me ta për shkak të zjarrit, është dëmi më i madh i shkaktuar – mësohet të jetë shprehur Luan Muça.
Në terren në orët e vona për të parë situatën e zjarrit në fabrikën e bojërave “Deutsch Color” mbërriti dhe ministri i Brendshëm Taulant Balla shoqëruar dhe nga kreu i Emergjencave Civile, Haki Çako, i cili në komunikime të vazhdueshme gjatë transmetimit LIVE në Report Tv, garantoi se nuk rrezikohej në asnjë rast që flakët të përhapeshin pranë banesave. Në vendngjarje mbrëmjen e së shtunës ishte dhe vetë prokurorja e Durrësit që po ndjek hetimet, Flora Reka.
Për shkak të zjarrit masiv, kalimi në autostradën Durrës-Tiranë u mbyll përkohësisht dhe lëvizja u devijua në rrugët dytësore. Madje, në një resort pranë fabrikës policia u detyrua të ndërpresë dasmën dhe çifti italian e dasmorët të largoheshin pasi mund të rrezikoheshin nga flakët.
Luan Muça themeloi 'Deutsch Color Albania në vitin 2012, e cilësuar më e madhja në Ballkan. Ai është një nga industrialistët dhe CEO shqiptar i cili ka arritur të ndërtojë 5 fabrika në 3 kontinente: Europë, Afrikë dhe Azi. Prej 4 vitesh vepron dhe në SHBA, ku është kthyer në një nga distributorët më të mëdhenj për zonën e Nju York, Nju Jersey dhe Philadelphia. Kompanitë e tij eksportojnë në shume vende të botës duke faturuar miliona euro ne vit.
Marenglen Muçaj shefi i ndërhyrjes operacionale Drejtoria MNZ Durrës tregon për punën që u bë deri në shuarjen e plotë të zjarrit.
Ai thotë se për orë të tëra punuan zjarrfikësit e Durrësit,Vorës,Tiranës dhe Shijakut.
Shefi i operacionales tregon se gjatë gjithë kohës kanë pasur konsultën e inxhinierëve kimistë.
Ndërkohë ai konfirmon se grupi hetimor ka nisur nga puna për zbardhjen e shkakut të zjarrit.
Këto janë pamjet që vijnë një ditë pas zjarrit masiv që përfshiu fabrikën e bojërave 'Deutsch Color'. Siç shihet edhe nga pamjet, dëmi i shkaktuar është i madh, ndërsa një pjesë e mirë e fabrikës është shkrumbuar totalisht.
Një zjarr i madh ka përfshirë mbrëmjen e kaluar fabrikën e bojërave 'Deutsch Color' në Maminas. Ndërkohë, pronari i fabrikës Luan Muça ka deklaruar në polici, se volumin më të madh të punës e kishte me klientë të mëdhenj jashtë vendit dhe mosrespektimi i kontratave me ta për shkak të zjarrit është dëmi më i madh i shkaktuar.
Report Tv sjell pamjet një ditë pas zjarrit masiv që përfshiu fabrikën e bojërave të ‘Deutsch Color’ në autostradën Tiranë-Durrës. Zjarri ka qenë i përmasave të mëdha dhe është arritur të shuhet vetëm orët e para të mëngjesit, ndërsa dëmet janë të konsiderueshme.
Komente
Pavaresisht shkakut,pavaresisht nese ka patur,apo jo sistem sigurie kunder zjarrit,demi eshte dem dhe asnje nuk e deshiron kete gje.Me vjen keq per punetoret e atyshem qe humben punen e te ardhurat! Shpresojme qe pronari te kete patur inshurence per ndertesen dhe biznesin.
PërgjigjuTani ndezjet e qellimshme te zjarreve kane filluar te spostohen nga pemet e pyjet tek fabrikat. Si ka mundesi gjithe ajo fabrike spaska sistem automatik alarmi kur bjen zjarr apo kur ka tym. I ndertojne pallatet e fabrikat me by..e.
PërgjigjuZorraxhinjte shqiptare kursejne ne sistemet e sigurise dhe harxhojne kot me kot ne fasada. Te haje muti Muça tani.
Sa keq gjith ai investim qe ne fund te fundit i ka dhene komunitetit. Se kuptoj se cfare masash parandaluese ka pasur kjo si fabrike .
PërgjigjuGjynah por mire qe ka shpetuar Delta?
PërgjigjuEdhe pak ajer i helmuar per banoret e Tiranes. Me gjithe smogun e makinat e amortizuara, kjo djegie shkakton edhe me shumë ndotje. M
PërgjigjuIk e cop karri, paske hallin e ndotjes ti bythqir.