Tentativa për t'u regjistruar në Librin e Rekordeve Guinness pati sukses. Në Austri, banorët e qytetit të Lustenau ndezën zjarrin e kontrolluar, më të lartin në botë, plot 60.64 m.
Përgjatë tre muajve të fundit, banorët vendas ngritën një kullë 58.6 metra të lartë, dy metër më të lartë se kisha e qytetit, për të cilën u desh të përdoreshin 100 ton dru. Ata i vunë asaj flakën natën e një feste tradicionale, njohur si “Nata e Shkendijave”, gjë që e shndërroi në hi, brenda gjysmë ore, kullën e drunjtë.
Rekordi i mëparshëm i zjarrit më të madh të kontrolluar, ishte regjistruar në vitin 2016 dhe mbahej nga Norvegjia me zjarrin 47 metra të lartë, por 13 metra më të vogël se ai i Lustenau.
Projekti ambicioz dhe aventuresk, kishte shkaktuar një debat të madh në javët e fundit, pasi për ambjentalistet, ai ishte tërësisht i gabuar dhe një sinjal i keq në këtë kohë ndryshimesh të forta klimaterike. Për ta, projekti nuk ka të bëjë me traditën apo Rekordin Guinness, por me gjigandomaninë.
Përgatiti Ilir Çuçi
Komente
Birisha ndez ta shqipnin me dash djeg evropin
PërgjigjuMeruni me ate qe ndez zjarre ketu tek ne lerini te tjeret
Përgjigju