TIRANE-Në Konferencën rajonale për ekstremizmin e dhunshëm, zv. ministrja e Brendshme Romina Kuko u shpreh se pjesa më e madhe e atyre që janë kthyer nga Siria kanë një profil të ulët.
Shumica e të kthyerve nga Siria mbajnë një profil të ulët, duke mos komunikuar në grupet e besimtarëve për të treguar se ku kanë qenë dhe çfarë kanë bërë në Siri. Aktualisht është hartuar Plani i Veprimit Ndërinstitucional për pritjen dhe trajtimin e shtetasve shqiptarë gjatë kthimit nga vendet në konflikt Siri/Irak, njëkohësisht është përpiluar projekt-vendimi për miratimin e këtij drafti. Bazuar këtij Plani që pritet të miratohet nga Qeveria, shumë Ministri dhe institucione të varësisë së tyre, marrin detyra konkrete lidhur me fazat e ndryshme të evidentimit të shtetasve shqiptare që kthehen nga zonat e konfliktit Siri, Irak, deri në masat për rintegrimin e tyre në shoqëri dhe penalizimit nga Shërbimet ligj zbatuese në rastet e vërtetimit të aktivitetit kriminal të tyre.
Romina Kuko
Sipas zv. Ministres së Brendshme të gjithë emigrantët që kanë ardhur nga Siria dhe Iraku po mbahen në vëzhgim nga Drejtoria e Antiterrorit në Policinë e Shtetit.