Dubai United FC ka njoftuar zyrtarisht emërimin e Andrea Pirlos si trajnerin e ri të ekipit të parë. Ky është një emërim prestigjioz për klubin e Ligës së Parë, i cili është i vendosur të forcojë pozicionin e tij në peizazhin e futbollit të Emirateve të Bashkuara Arabe.
"Fitues i Kupës së Botës 2006 dhe ikonë globale e futbollit, Pirlo sjell një vizion unik dhe përvojë të rëndësishme si trajner, të fituar te Juventusi dhe Sampdoria. Emërimi i tij përfaqëson një kapitull të ri dhe ambicioz për Dubai United FC", thuhet në prezantimin zyrtar.
Pirlo ka udhëhequr disa skuadra deri më tani (Juventus, Karagumruk dhe Sampdoria), por nuk ka arritur ende të lërë gjurmë të mëdha, ashtu siç bëri në fushë si futbollist.
Komento
Komente
