Nico Williams

Sport

Zyrtare/ Athletic shuan ëndrrën e Barçës, rinovon me Nico Williams deri në vitin 2035

Nico Williams ka rinovuar me Athletic Bilbao deri në verën e 2035, duke shtyrë me tetë vite të tjera kontratën që skadonte në 2027. "Jam aty ku dua të jem", thotë anësori spanjoll i sulmit.

4 Korrik, 11:13| Përditesimi: 4 Korrik, 11:14

  • Share

BILBAO - Nico Williams nuk do të largohet nga Athletic Bilbao, paçka interesit të madh nga Barcelona. Athletic Bilbao ka njoftuar zgjatjen e kontratës së tij deri në vitin 2035 në një video të shoqëruar nga deklarata e vetë lojtarit.

"Kur duhet të merren vendime, për mua, ajo që peshon më shumë është zemra ime. Unë jam aty ku dua të jem, me njerëzit e mi. Kjo është shtëpia ime. Forca Athletic Bilbao", thotë ai. Klauzola e tij e lirimit, sipas deklaratës së klubit, rritet me më shumë se 50%.

Kontrata e tij e mëparshme skadonte verën e 2027 dhe me firmën e re 22-vjeçari duket se do e mbyllë karrierën në shtëpi. Edhe pse Barcelona ishte pas tij dhe palët kishin një bisedë për kalimin e Williams në "Camp Nou", në fund sulmuesi anësor vendosi të mos largohej nga Bilbao.

S.Dh/ReportTv.al
Komento

Komente

  • Sondazhi i ditës:

    Si e gjykoni etiketimin në Kuvend të Flamur Nokës ’media vari Kar-lo’?