Steven Gerrard nuk është më trajner i Aston Villa në Premier League. Legjenda e Liverpool nuk ka mundur të mbushë vitin në krye të klubit anglez, teksa në 12 ndeshjet e fundit ka marrë vetëm dy fitore. Njëmbëdhjetë muaj në detyrë nuk kanë qenë të duhurat për Gerrard, që pas humbjes së djeshme 3-0 me Fulham u shkarkua.
Në "Villa Park" tanimë janë disa emra që përmenden për t'u ulur në stol. Ish-trajneri i Tottenham, Pochettino apo edhe Tuchel janë kandidatët kryesorë për të zënë vendin e Gerrard. Kujtojmë se Steven la Rangers në Skoci dhe nëntorin e shkuar mori drejtimin e Aston Villa. Në 38 ndeshje në drejtimin e Villa, Gerrad koleksionoi 12 fitore, 18 humbje dhe 8 barazime.
Komento
Komente
