Portieri italian Gianluigi Donnarumma do të vazhdojë karrierën në Premier League, pas finalizimit të transferimit te Manchester City.
“Qytetarët” kanë arritur marrëveshjen me PSG-në për 40 milionë euro, pas negociatave që fillimisht kishin nisur me kërkesën e parisienëve prej 50 milionë eurosh dhe ofertës fillestare të City prej 30 milionë eurosh.
Ky transferim u bë i mundur pas largimit të Ederson te Fenerbahce në Turqi, duke liruar vendin për portierin italian.
Për Donnarummën, Premier League do të jetë kampionati i tretë në karrierë, pas përvojës në Serie A dhe Ligue 1, ku u shqua si një nga portierët më të mirë të brezit të tij.
Italiani po i afrohet sezonit të tij të 10-të në futbollin profesionist, pavarësisht se është vetëm 26 vjeç dhe do të konkurrojë me James Trafford për vendin e titullarit te Manchester City.
We're delighted to confirm the arrival of Gianluigi Donnarumma! ✍️ pic.twitter.com/TKwXVTRGCz
— Manchester City (@ManCity) September 2, 2025
Komente
