Trajneri Ruben Amorim është bashkuar në ditën e parë të tij me Manchester United. Portugezi 39-vjeçar do zëvendësojë të shkarkuarin Erik ten Hag, ndërsa pas mbërritjes së trajnerit të ri United ka konfirmuar largimin e tre ndihmësave të ten Hag, mes tyre edhe legjenda Ruud van Nistelrooy.
Ai mori rezultate mjaft të mira në këto ndeshje ku qëndroi si trajner kryesor i përkohshëm.
‘’Manchester United mund të konfirmojë se Ruud van Nistelrooy është larguar nga klubi. Ruud u ribashkua në verë dhe ka marrë drejtimin e ekipit për katër ndeshjet e fundit si trajner i përkohshëm. Ruud është dhe do të jetë gjithmonë një legjendë e Manchester United.
Ne jemi mirënjohës për kontributin e tij dhe mënyrën në të cilën ai i është qasur rolit të tij gjatë gjithë kohës me klubin. Ai do të jetë gjithmonë shumë i mirëpritur në Old Trafford”, thuhet në njoftimin e klubit.
Po ashtu janë larguar edhe ndihmës trajnerët Rene Hake, Jelle ten Rouwelaar dhe Pieter Morel.
