Sulmuesi nigerian Victor Osimhen ka nënshkruar me Napolin kontratën e re, duke rinovuar me kampionët e Serisë A deri në vitin 2026. Sulmuesi ka tanimë klauzolë 130 milionë euro, pasi ka qenë një objektiv i vazhdueshëm për klubet angleze Arsenal dhe Chelsea.
Osimhen përmirëson shumë pagën e tij të vjetër prej 4.5 milionë eurosh, duke marrë një shifër totale, më shumë se të dyfishuar, mbi 11 milionë euro neto në sezon.
Victor Osimhen bëhet kështu lojtari më i paguar i Napolit në epokën e De Laurentiis. Ai do fitojë shumë më shumë se Gonzalo Higuain që mori 5 milionë euro dhe me bonuse në sezonin 2013-14 dhe më shumë se Edinson Cavani që mori një pagë prej 4.5 milionë eurosh në sezonin 2012-13.
24 vjeçari bëri lëvizjen e tij te Napoli në vitin 2020 dhe ndikimi i tij ka qenë i rëndësishëm. Nigeriani ka grumbulluar 95 paraqitje për klubin, teksa sezonin e shkuar shënoi 31 gola.
