Rubin Hebaj bëhet futbollisti i parë shqiptar që do luajë në ligën elitare të Uzbekistanit. Shkodrani ka firmosur me Andijon Football Club dhe për dy sezone do jetë pjesë e këtij ekipi. 24-vjeçari në 5 janar të këtij viti shkëputi marrëveshjen me Teutën dhe Superligë, duke u transferuar sërish jashtë vendit.
Në karrierën e tij, Hebaj ka luajtur me klube si: Vllaznia, Domzale, Partizani, Vorskla Poltava apo edhe Shkëndija. Pas firmës me ekipin e ri, Hebaj do kërkojë që të rikthehet në formën e disa viteve më parë.
Pjesë e grupmoshave të Shqipërisë, Hebaj ka luajtur tetë ndeshje dhe ka shënuar dy gola me Kombëtaren U-21. Me vlerë 350 mijë euro në treg, sulmuesi kaloi në Uzbekistan si transfer i lirë pas shkëputjes së kontratës me Teutën.
Kampionati në Uzbekisatn ende nuk ka nisur, me Hebaj që është vendosur në dispozicion të trajnerit pas testeve mjekësore dhe firmës në kontratë.
