Massanga Matondo nuk është më futbollist i Partizani. Mesfushori ka lajmëruar në kanalet e komunikimit largimin, duke falenderuar tifozët. Edhe pse 23-vjeçari nga Kongo ka një tjetër vit kontratë me Partizanin, duket se të kuqtë do "mbushin arkat" pasi për të interesi është nga Turqia.
“Faleminderit për gjithçka (tifozët e Partizanit). Gjithmonë në zemrën tim”, shkruan mesfushori në kanalet e komunikimit. Në janarin e 2022, Matondo u bashkua me Partizanin nga Otoho në Kongo, duke treguar për një sezon e gjysmë se është lider në mbrojtje.
Sezonin e fundit, 23-vjeçari ishte shtylla e mesit të fushës dhe ndihmoi Partizanin që të fitonte titullin kampion në Superligë, duke luajtur në 30 takime.
Komento
