Ferhan Hasani do vijojë karrierën me Helsingor në nivelin e dytë të futbollit në Danimarkë. Edhe njëherë tjetër gjatë karrierës së tij, fantazisti 32-vjeçari do provojë veten në Danimarkë, aty ku më parë kishte luajtur me gjigandët e Broondby-t.
Hasani është një emër i njohur në Danimarkë, kjo për shkak se gjatë sezoneve 2013/14 dhe 2014/15 është aktivizuar me Broondby, për t'u rikthyer sërish te Shkëndija e Tetovës, ekip me të cilin ditoi dy herë titullin kampion në Maqedoninë e Veriut.
Në sezonin 2017/18 me 22 gola të shënuar, Hasani u shpall golashënuesi më i mirë me tetovarët. Në 2018, Hasani u largua sërish nga Shkëndija, për të vijuar karrierën në Arabinë Saudite dhe më pas edhe në Finlandë, aty ku me Helsinkin në vitin 2020 u shpall kampion.
Nga Helsinki, karrierën e tij Hasani e vijoi në Superligën shqiptare, te skuadra e Partizanit duke mos lënë gjurmë. Edhe sezonin e fundit "Buba" nuk zhvilloi një edicion të mirë, duke mos vijuar më me Shkëndijën e Tetovës.
