Personi i akuzuar se hyri në shtëpinë e kryetares së Dhomës së Përfaqësuesve, Nancy Pelosi dhe sulmoi burrin e saj me çekiç, është një shtetas kanadez i cili ndodhej në Shtetet e Bashkuara ilegalisht për 14 vite pasi kishte hyrë si vizitor, thanë zyrtarët amerikanë të enjten.
Agjencia Amerikane e Emigracionit dhe Zbatimit të Doganave (ICE) tha se ka lëshuar një njoftim "ndalimi" nën bashkëpunimin me autoritetet e San Franciskos duke kërkuar kujdestarinë e David Wayne DePape sapo të përfundojë proçedimi penal kundër tij. DePape do t'i dorëzohej ICE-së për dëbim të mundshëm në Kanada pas vuajtjes së çdo dënimi me burg, të depozituar në burgun e qarkut të San Franciskos më 1 nëntor.
DePape, 42 vjeç, u arrestua më 28 tetor në shtëpinë e kryetares së Dhomës së Përfaqësuesve në San Francisko pasi dyshohet se ai hyri me forcë në rezidencë, kërkoi të shihte Nancy Pelosi dhe më pas goditi në kokë burrin e saj, Paul Pelosin me një çekiç.
Nancy Pelosi, një demokrate që është e dyta në radhën e pasardhësit të presidencës, ishte në Uashington në atë kohë. Sipas dokumenteve të gjykatës të paraqitura nga prokurorët, të cilët e etiketuan incidentin një sulm të motivuar politikisht. Sulmi la Paul Pelosi, 82 vjeç, të shtruar në spital, i cili iu nënshtrua një operacioni për thyerje të kafkës dhe lëndime në krahët dhe dorën e djathtë.
DePape, i cili është burgosur pa garanci, u deklarua i pafajshëm të martën për akuzat e deklaruara për tentativë vrasje, sulm me armë vdekjeprurëse, vjedhje, abuzim me të moshuarit, burgosje të rreme dhe kërcënim të një zyrtari publik. Ai mund të dënohet maksimalisht nga 13 vite burg ose deri në burgim të përjetshëm nëse shpallet fajtor.
Prokurorët federalë e kanë akuzuar DePape veçmas për akuza për sulm dhe tentativë rrëmbimi të dënueshme deri në 50 vite burg. Të dhënat tregojnë se DePape hyri në SHBA si vizitor i përkohshëm në mars 2008 në vendkalimin kufitar San Ysidro SHBA-Meksikë në San Diego.
Sipas zyrtarëve të imigracionit, udhëtarët kanadezë të pranueshëm që paraqiten si vizitorë për biznes ose si udhëtarë, në përgjithësi nuk kërkojnë vizë dhe zakonisht pranohen për një qëndrim deri në gjashtë muaj në Shtetet e Bashkuara.
