Drejtorja për Ballkanin Perëndimor në Komisionin Evropoina, Genovefa Ruiz Calavera, është në Tiranë, ku u takua me përfaqësues të palëve politike.
Nga opozita ajo u takua me 4 ish-deputetë, Bumci e Bylykbashi nga PD dhe Gjosha e Caka nga LSI.
Calavera nuk ju përgjigj interesit mediatik mbi situatën politike, por në tuiter shkroi:
“Është koha që të dy krahët politikë të bëhen bashkë për të vënë mbi të gjitha të mirën e vendit”.
Menjëherë ka ardhur reagimi i kryeministrit Rama, i cili i qartëson dhe nj herë opozitës detajet e ftesës së reformës zgjedhore.
“Plotësisht dakord me delegacionin e BE:Koha që palët të dialogojnë! Reforma Zgjedhore, vota e emigrantëve, votimi/numërimi elektronik, penalitetet e reja për shitblerjen e votës,duhet të na bëjnë bashkë. Kush iku nga Kuvendi,ka ende vend në tryezën e reformës me status të barabartë!”
Calavera, e cila është edhe shefja e ONM-së në Tiranë, u takua me ekspertët ndërkombëtarë që monitorojnë procesin e vettingut në drejtësi.
Qëllimi i vizitës së zyrtares së lartë të BE-së në Tiranë, ishte pjesëmarrja në hapjen e një qendre për shoqërinë civile, financuar nga Bashkimi Evropian.
Komente
