Një zyrtare ruse e mbrojtjes ka vdekur pasi thuhet se ka bërë vetvrasje duke u hedhur nga dritarja e një ndërtese në Shën Petersburg, sipas raporteve të mediave lokale.
Trupi i 58-vjeçares Marina Yankina, e cila drejtonte Departamentin e Mbështetjes Financiare të Ministrisë së Mbrojtjes Ruse në Distriktin Ushtarak Perëndimor të Shën Petersburgut, u gjet të mërkurën në mëngjes.
Nga informacionet e deritanishme është thënë se ajo kishte lënë dokumente në ballkon përpara se të hidhej nga 160 metra lartësi. Anton Gerashchenko, një këshilltar i ministrit të punëve të brendshme të Ukrainës, komentoi të enjten vdekjen e Yankina në tëitter.
"Marina Yankina, shefe e departamentit financiar në Ministrinë e Mbrojtjes së Rusisë, u gjet e vdekur. Ajo ra nga dritarja. Vdekja e saj nuk është e para në mesin e zyrtarëve të lartë rusë në vitin e kaluar", shkroi ai në tëitter.
Hetuesit rusë pretendojnë se bëhet fjalë për “vetëvrasje”, por vdekja e saj vjen vetëm disa ditë pasi gjenerali rus Vladimir Makarov, të cilin presidenti rus Vladimir Putin e kishte shkarkuar së fundmi, u gjet i vdekur jo larg Moskës.
