Shqipëria hap negociatat për ‘Tregun e Brendshëm’, Rama: Integrimi në BE zgjedhje ekzistenciale, ta mbyllim brenda 2030-ës! Kos: Vijoni me reformat, do jem avokatja juaj
Është zhvilluar këtë të hënë konferenca e katërt ndërqeveritare BE-Shqipëri, ku u hap grupkapitulli i dytë i negociatave, “Tregu i Brendshëm”. Në tetor të 2024-ës, vendi ynë hapi zyrtarisht grupkapitullin e parë, atë të kapitujve “Themelorë”, që prekin drejtësinë, administratën dhe shtetin e së drejtës. Ndërsa më 17 dhjetor u çel grupkapitulli i marrëdhënieve me jashtë, me bisedimet për politikën e jashtme dhe sigurinë.