Mbyllet çerdhja numër 2 në Vlorë.
Çerdhja është mbyllur pasi një punonjëse ka rezultuar pozitive me COVID.Report Tv mëson se edhe 3 punonjëse të tjera kanë shfaqur shenja të virusit dhe janë karantinuar.
Çerdhja do të qendrojë e mbyllur deri në datë 5 dhjetor. Pas këtyre 2 rasteve pozitive edhe pjesa tjetër e stafit janë në pritje të tamponit.
Kujtojmë se ky është institucioni i katërt që mbyllet në Vlorë. Aktualisht të mbyllura qëndrojnë për shkak të infektimit të personave me COVID edhe dy kopshte në Vlorë dhe një kopsht në Orikum. Lorenc Rexho, kreu i ISHSH ne Vlorë ka kërkuar respektim të masave, ndërsa ka theksuar se në këtë çerdhe është bërë mbyllja per shkak te situates se krijuar, ndërsa janë të mbyllura disa institucione, kopshte të tjera në Vlorë.
Në qytetin e Vlorës numri i të infektuarve me COVID është 801, ndërsa në total në të gjithë vendin shifrat e të infektuarve kanë shkuar në 32.761. Kurse numri i viktimave në të gjithë vendin është 699.
Lajmi kryesor:
COVID-19/ Rekord viktimash sot, 17 humbje jete, 795 raste të reja! Infektohet kryetari i Bashkisë Belsh Arif Tafani, mbyllet çerdhja në Vlorë e Berat
