Ky që shihni në këtë video është Astrit Deliu, 46 vjeç. Në këtë moment sapo ishte arrestuar nga policia, pas 20 vitesh aktivitet në shitjen e kokainës, duke e kthyer zonën e “Tufinës” në Tiranë në bazën e tij të konsideruar gati të paprekshme.
Efektivët e policisë po e shoqërojnë drejtë vendit ku Deliu ka fshehur sasi të konsiderueshme kokaine. Për të shkuar deri tek vendi ku e kishte fshehur në bahçen e shtëpisë, agjentëve të Antidrogës iu deshën disa minuta.
Deliu e kishte hedhur çantën pranë rrënjës së një peme dhe pasi policia e hapi prezencë të tij gjeti kuti të ndryshme plotë me kokainë të ndarë në doza të vogla, më shumë se gjysmë kilogramë dhe një pistoletë “bereta”. Astrit Deliu është personazhi kryesor i operacionit “Tempulli 2” në Tiranë, të cilit iu kap sasia me e madhe e lëndës narkotike.
Lajmi kryesor:
'Tempulli 2'/ Hidhnin kokainën në tualet sapo shihnin policinë nga kamerat, pranga çiftit të bashkëshortëve në Selitë, bashkëpunëtor dhe nipi (FOTO + EMRI)
S.G//ReportTv.al