Ka ardhur momenti që maturantët të zgjedhin listën me degët e tyre të preferuar për në universitet!
Ministrja e Arsimit, Evis Kushi njoftoi se lista do të bëhet përmes portalit të “U-Albania”, nga dita e nesërme, 29 korrik deri më 3 gusht.
Përmes rrjetit të saj social Facebook, mininstrja i ka sugjeruar maturantët të konsultohen dhe të marrin informacionin e nevojshëm lidhur me kriteret e pranimit dhe procedurat për regjistrimin në Universitet.
“Ju uroj përzemërsisht shumë suksese dhe mbarësi!”, shkruan ajo.
Maturantët kanë gjithsej 6 ditë për të zgjedhur listën me 10 degët e tyre të preferuara për në Universitet.
Në total janë 39 Universitete publike dhe private që ofrojnë 560 programe studimi. Në periudhën e fund gushtit universitetet do të nxjerrin renditjet e maturantëve.
Ministria e Arsimit ka publikuar data e provimeve të Maturës Shtetërore, për nxënësit mbetës. Provimi i Gjuhës së Huaj do të zhvillohet në datë 24 gusht, Matematika në 31 gusht, ai i Gjuhës Shqipe dhe Letërsisë në 27 gusht dhe Lënda me Zgjedhje në 3 shtator.
Provimet do të fillojnë në orën 10:00 dhe kohëzgjatja është 2 orë e 30 minuta. Provimet do të zhvillohen duke zbatuar të gjitha masat anti-COVID, ku në çdo klasë nuk lejohen më shumë 10-15 maturantë.
Kujtojmë se maturantët u ngritën në protestë pas provimit të maturës, me pretendimin se ishte shumë i vështirë, duke kërkuar uljen pikëzimit, kërkesë që u pranua nga Ministria e Rasimit.
