Nëse kujdeseni mirë për veten gjatë shtatzënisë, mund të ndiheni të mrekullueshëm dhe të lindni një fëmijë të shëndetshëm.
Bright Side bëri një listë të shpejtë me disa këshilla të thjeshta që mund t'ju vijnë në ndihmë. Disa prej tyre mund t'i keni dëgjuar, por nuk është aspak keq që t'ua rikujtojmë.
Ushtrohuni rregullisht
Aktivitetet më të mira janë:
Ecje
Noti
Joga
Pilates
Kontrolloni produktet kozmetike
Gjithçka që vendosni në fytyrë dhe trup gjatë shtatzënisë mund të ndikojë tek fëmija juaj, prandaj zgjidhni produkte që do të jenë plotësisht të sigurt për të dy.
Ndryshoni mënyrën e të ushqyerit
Menuja juaj duhet të bëhet më e shëndetshme kur të mbeteni shtatzënë. Hani ushqime me fibra: perime, fruta, fasule, drithëra, oriz kaf, kos, fruta! Qëndroni larg mishit ose peshkut të papjekur
Pini sa më shumë ujë
Pini të paktën 10 gota ujë në ditë dhe mbani një shishe me vete kudo që të shkoni. Kjo do të ndihmojë në parandalimin e përzierjes dhe mbajtjen e sasive të lëngut amniotik në një nivel të shëndetshëm.
Por mos pini asgjë menjëherë para se të shkoni në shtrat, sepse kjo do t'ju bëjë të zgjoheni disa herë gjatë natës për të shkuar në tualet.
Vini krem mbrojtës
Kur jeni shtatzënë, lëkura juaj bëhet më e ndjeshme ndaj rrezeve të diellit, prandaj përdorni krem mbrojtës dhe vishni një kapele dhe syze. Disa mjekë madje rekomandojnë që të shmangni qëndrimin në diell.
Zgjidh pozicionin e duhur për të fjetur gjumë
Të flesh në bark është e pamundur. Ju gjithashtu duhet të shmangni shtrirjen me shpinë pasi pesha e mitrës suaj shtyp shtyllën kurrizore dhe enët kryesore të gjakut, gjë që zvogëlon rrjedhën e gjakut. Fjetja në njërën anë me gjunjët e përkulur është pozicioni më i rehatshëm dhe i sigurt. Disa thonë se gjumi në anën tuaj të majtë siguron rrjedhën maksimale të gjakut dhe ushqyesve në placentë, por kjo nuk është e provuar shkencërisht.
Besoni në veten tuaj
Shtatzënia gjithmonë shkakton shumë frikë dhe pasiguri në mendjen e një gruaje. Vetëm mos harroni se ju dhe trupi juaj që ndryshon janë të bukur. Ndryshimi është një pjesë e natyrshme dhe vërtet e gëzueshme e jetës.
