2198 testime, 477 të shëruar, 510 raste të reja dhe 8 humbje jete nga COVID! Ky është bilanci i ministrisë së Shëndetësisë në 24 orët e fundit në vendin tonë sa i përket situtës së pandemisë.
Betejën me sëmundjen nuk kanë arritur ta fitojnë 8 qytetarë në spitalet COVID: 3 qytetarë nga Tirana, 2 qytetarë nga Durrësi, 1 qytetar nga Kruja, 1 qytetare nga Berati, 1 qytetar nga Tropoja, të moshave 57-78 vjeç. Gjithsej janë kryer 2198 testime dhe kanë rezultuar pozitivë 510 qytetarë. Rastet pozitive të konfirmuara janë identifikuar në këto bashki:
224 raste në Tiranë, 40 në Fier, 35 në Durrës, 22 në Shkodër, 21 në Vlorë, 16 në Mirditë, nga 12 raste në Elbasan, Lezhë, nga 10 raste në Kamëz, Peqin, nga 9 raste në Kavajë, Berat, Kuçovë, 8 në Krujë, 7 në Lushnje, nga 6 raste në Librazhd, Sarandë, nga 5 raste në Rrogozhinë, Mat, Skrapar, nga 4 raste në Pogradec, Dibër, nga 3 raste në Kukës, Tropojë, Malësi e Madhe, Kolonjë, Gramsh, nga 2 raste në Devoll, Pukë, Përmet, Shijak, nga 1 rast në Korçë, Has, Mallakastër, Delvinë, Prrenjas, Klos, Patos, Cerrik.
Në 24 orët e fundit janë shëruar 477 qytetarë, duke e çuar numrin e të shëruarve 30,276 që nga fillimi i epidemisë. Numri i të shtruarve në spitale vijon të jetë i qëndrueshëm. Aktualisht në 4 spitalet COVID, po trajtohen 346 pacientë, 21 në terapi intensive nga të cilët 13 pacientë janë të intubuar.
Ministria e Shëndetësisë dhe Mbrojtjes Sociale i bën apel qytetarëve të kufizojnë kontaktet dhe të festojnë me familjen e vogël, për të kufizuar përhapjen e COVID-19. "Ju rikujtojmë gjithashtu se nga sot hyjnë në fuqi masat e reja të miratuara nga Komiteti Teknik i Ekspertëve", vijon apelin ministria.
Ndërkaq kujton se kufizimi i lëvizjes së popullatës fillon nga ora 20:30 deri në orën 6 të mëngjesit duke filluar nga data 24 dhjetor deri në datën 4 janar. Përjashtim nga ky rregull bëhet për personat që duhet të lëvizin për emergjenca shëndetësore, motive pune apo nevoja të domosdoshme. "Personat që lëvizin për arsye pune apo të domosdoshme pajisen me autorizim përmes portalit e-albania. Po ashtu, kemi marrë vendim: kufizimin e aktivitetit të bareve dhe restoranteve, fast food, lokale, që ofrojnë shërbim për klientët nga ora 20:30 deri në orën 6 duke filluar nga data 24 dhjetor deri në datën 4 janar. Duke përjashtuar shërbimin në banesë", thotë më tej ministria.
Ndërkaq ministria u drejtohet qytetarëve të mos neglizhojnë asnjë shenjë të sëmundjes dhe të kontaktojnë për çdo dyshim me mjekun e familjes, për t’u referuar për testim, ndjekje të vazhdueshme dhe për rimbursimin e barnave të trajtimit ambulator në banesë. "Nëse nuk e dini cili është mjeku juaj i familjes, telefononi linjën e gjelbër falas 0800 40 40 për ta mësuar dhe për t’u vendosur në kontakt me mjekun tuaj të familjes. Gjithashtu është në dispozion 24 orë në 7 ditë të javës numri unik 127 i Urgjencës Kombëtare, ku mund të telefononi kur dyshoni se keni shenja të sëmundjes dhe duhet të kryeni testimin për COVID19 apo nëse keni nevojë për trajtim të specializuar spitalor në spitalet COVID", vijon apeli.
COVID-19 – Statistika (24 Dhjetor 2020)
Raste të reja ditore 510
Të shëruar në 24 orë 477
Të shtruar në spitale 346
Humbje jete në 24 orë 8
Testime ditore 2198
Testime totale 247,451
Raste pozitive 54,827
Raste të shëruara 30,276
Raste Aktive 23,426
Humbje jete 1125
Shpërndarja gjeografike e rasteve aktive sipas qarqeve:
Tiranë 13089
Fier 1597
Shkodër 1313
Durrës 1288
Vlorë 1062
Korçë 964
Elbasan 925
Berat 886
Lezhë 878
Gjirokastër 506
Kukës 488
Dibër 430
8 rastet pozivite me COVID-19 janë shënuar gjatë 24 orëve të fundit në Berat. Mes rasteve janë 2 mëses, një në shkollën 9-vjeçare në fshatin Tërpan dhe një në shkollën 9-vjeçare në fshatin Starovë.
Gjithashtu pozitiv ka rezultuar edhe një polic dhe një punonjës i mirëmbajtjes së lulishteve në Bashkinë Berat. Rastet e tjera pozitive me COVID janë një shofer autobusi, një sanitare në Qendrën Shëndetësore Nr.2 në Berat, një shitëse në dyqan ushqimor dhe një ndërtues.
Në 24 orët e fundit në vendin tonë u shënuar 503 raste pozitive dhe 6 viktima, duke shënuar një ulje të lehtë të shifrave.
