Një aksident me pasoja fatale ka ndodhur në Qafë-Buall të Bulqizës.
Një automjet tip Nissan me të cilin udhëtonin 3 persona, ka dalë nga rruga, duke shkaktuar vdekjen e dy prej tyre, ndërsa i treti ka mbetur i plagosur.
Aksidenti ka ndodhur rreth orës 14:15, në vendin e quajtur “Antena”.
Sipas policisë, viktimat janë Burhan Gjoka dhe Destan Gjeta, ndërsa i plagosur A.Gj., i cili është dërguar për mjekim në spital. Ai do të transportohet më pas drejt Spitalit të Traumës në Tiranë.
Njoftimi i policisë:
Rreth orës 14:15, në vendin e quajtur "Antena", në Qafë-Buall Bulqizë, një automjet tip "Nisan", ka dalë nga rruga. Si pasojë e këtij aksidenti, kanë humbur jetën shtetasit B.Gj., dhe D.Gj, si dhe ka mbetur i dëmtuar dhe po transportohet në spital për ndihmë mjekësore shtetasi A.Gj.
Grupi hetimor ndodhet në vendngjarje dhe po punon për zbardhjen e rrethanave të këtij aksidenti.
Lajmi kryesor:
Mjeti përplaset me trailerin me targa serbe në Lezhë-Shkodër, 1 i vdekur dhe 4 të plagosur! 6 aksidente në vend, 5 viktima dhe 10 të lënduar (VIDEO)
V.GJ /r.k./ReportTv.al
Komente
