Një aksident me pasojë vdekjen ka ndodhur mbrëmjen e sotme në afërsi të urës në Orikum.
Mësohet se një 32 vjeçar me automjet “Lexus”, ka aksidentuar një 46 vjeçar i cili lëvizte me biçikletë
Ngjarja e rëndë ka ndodhur rreth 20:20.
46-vjeçari ka ndërruar jetë në spitalin e qytetit të Vlorës për shkak të dëmtimeve të marra.
"Sot, rreth orës 20:20, në afërsi të urës në Orikum, shtetasi K. C., 32 vjeç, duke drejtuar automjetin “Lexus”, ka aksidentuar shtetasin D. K., 46 vjeç, i cili lëvizte me biçikletë. Si pasojë e dëmtimeve të marra, 46-vjeçari ndërroi jetë në spitalin e Vlorës, thuhet në njoftimin e policisë.
Drejtuesi i automjetit u shoqërua në Komisariat për veprime të mëtejshme.
Grupi hetimor po punon për zbardhjen e plotë të rrethanave të aksidentit.
