TIRANË- “Mbi 20 vjet drejtues autobusi, asnjëherë nuk më ka ndodhur një situatë e tillë në timon. Ditën e ngjarjes nuk jam ndjerë mirë që në mëngjes”, ky është rrëfimi i Agron Xhafës, shoferit 63-vjeçar të autobusit të Unazës, që të hënën u përplas me 10 automjete të tjera te kryqëzimi i Tajvanit në Tiranë, duke lënë të lënduar lehtë 10 persona.
Në momentet e para pas aksidentit, shoferi i autobusit nuk ka qenë i ndërgjegjshëm. Punonjësve të policisë që mbërritën në vendngjarje mezi u ka treguar emrin.
Shoferi Agron Xhafa përfundoi edhe vetë në spital, aty ku hetuesve mësohet se u tha se vuante nga zemra dhe diabeti. Megjithatë, kartela mjekësore e 63-vjeçarit është sekuestruar dhe pritet që shoferi të bëjë edhe një herë nga e para të gjitha analizat, për parë nëse diabeti qëndron, dhe në cilën fazë është, dhe nëse ka apo jo sëmundje të tjera nga të cilat mund të vuajë.
I vënë në pranga me akuzën e shkeljes së rregullave të qarkullimit rrugor, shoferi pritet të dalë para gjykatës për t’u mësuar me masën e sigurisë
Burime nga policia bëjnë me dije se shoferi ishte i pajisur me të gjitha dokumentacionet e nevojshme për drejtimin e mjetit. Edhe autobusit, rezulton t’i jetë bërë kontrolli teknik pak muaj më parë, duke e cilësuar brenda të gjitha parametrave, por tashmë ka nisur ekspertimi autoteknik për të parë ndonjë anomali të mundshme. Në pyetje u morën 40 pasagjerë që ndodheshin në autobus dhe një pjesë e tyre mohuan që shoferi të ketë pasur probleme shëndetësore ose nuk e kanë vënë re.
Shkaku i aksidentit pritet të qartësohet nga ekspertiza, por referuar pamjeve filmike, blutë kanë bindjen se shoferi ka lëvizur në mënyrë të pakontrolluar autobusin, i cili del jashtë korsisë së tij dhe rrit shpejtësinë, çka çoi në gjithë këtë ngjarje. Përplasja mund të kishte rezultuar fatale për këtë vajzë, nëse nuk do të ishte kjo pemë për të ndalur makinën “Porche” që autobusi mori para. Mrekullisht shpëtuan edhe këta 4 persona
Report Tv sjell foton e shoferit, Agron Xhafës shoferit 63-vjeçar të autobusit të Unazës, që të hënën u përplas me 10 automjete të tjera te kryqëzimi i Tajvanit në Tiranë, duke lënë të lënduar lehtë 10 persona. Ky është një nga momentet e para pas aksidentit të rënë.
“Mbi 20 vjet drejtues autobusi, asnjëherë nuk më ka ndodhur një situatë e tillë në timon. Ditën e ngjarjes nuk jam ndjerë mirë që në mëngjes”, ky është rrëfimi i Agron Xhafës, shoferit 63-vjeçar të autobusit të Unazës, që të hënën u përplas me 10 automjete të tjera te kryqëzimi i Tajvanit në Tiranë, duke lënë të lënduar lehtë 10 persona.
Komente
/Hasan.../,diabeti e zemra,apo te ndjeret keq per 100 arsye,nuk njohin moshe.Njelloj mund te preket dhe nje i moshuar dhe nje djalosh i ri.Vetem mos te te rente fati.
Përgjigjubere shume mire o xhafe,,,qe shkatarrove disa makina trafikantesh droge....shembullin tend ta ndjekin shoferet e tjere te autobuzeve....amin..
PërgjigjuGermoni e nxirreni berishist.
PërgjigjuNuk ishte budalla shoku Enver qe i nxirrte ne pension burrat 60 vjec dhe grate 55 vjec.
Përgjigju