Numri i viktimave nga aksidenti i ndodhur mesditën e së hënës në aksin Vlorë-Levan ka shkuar në dy. Pas shoferit të kamionçinës, ka ndërruar jetë rreth orës 01:00 të mëngjesit të sotëm edhe pasagjeri Artan Muho, i cili një ditë më parë u dërgua në gjendje të rëndë në spitalin rajonal të Vlorës.
Në pranga ka rënë në pranga 28-vjeçarja italiane Angela Tanzillo, e cila drejtonte automjetin tip “Dacia” me targa AA408XY, që goditi nga pas kamionçinën dhe kjo e fundit u përplas me barrierat mbrojtëse. Drejtuesi i kamionçinës tip “Benz”, 63-vjeçari Alfred Hasani ndërroi jetë në vendin e ngjarjes.
"Specialistët e Seksionit të Trafikut Urban dhe Interurban Vlorë arrestuan për veprën penale “Shkelja e rregullave të qarkullimit rrugor”, shtetasen italiane A. T., 28 vjeçe, banuese në Napoli, pasi ditën e djeshme, duke drejtuar automjetin në afërsi të vendit të quajtur “Kripa”, në autostradën “100 Vjetori”, është përplasur me një kamionçinë tip “Benz”. Si pasojë e aksidentit ka humbur jetën në vendngjarje drejtuesi i kamionçinës, shtetasi F. H., 63 vjeç, banues në Vlorë. Gjithashtu, si pasojë e dëmtimeve të marra, ka humbur jetën në spital edhe pasagjeri në këtë mjet, shtetasi D. M., 47 vjeç, banues në Vlorë.", njoftoi sot policia.
Komente
PSE Kam pershtypjen un QE kamioncina Ska pas drita fare (stopat e sinjale) .
PërgjigjuO poç gardhi ora 14, ne drite te diellit, pse nuk thua ti kam pershtypjen se kjo mund te ishte live ne instagrama nderkohe me syte nga telefoni.