Sociale

FOTO/ Ky është mishi i pulës me salmonelë që tregtohet në markete, AKU thirrje qytetarëve: Nëse e keni blerë, kthejeni!

Inspektorët e sigurisë ushqimore po vijojnë kontrollet edhe këtë të enjte. Sipas informacioneve, kontrollet janë shtrirë edhe në subjektet private në fshatra dhe brenda lagjeve, për shkak të rrezikut të shpërndarjes së këtij produkti. 

3 Prill, 12:24| Përditesimi: 3 Prill, 17:19

  • Share

Në markete vazhdon të shitet mish pule me salmonelë, që u importua nga kompania AMG dhe u shpërnda në 154 biznese.

Ky është mishi i paketuar me emrin “Copacol” që kush e ka blerë të mos e konsumojë sepse përmban salmonelë. Produkti i përket lotit 3, seria 401, me datë skadence 13.12.2026. Është pikërisht produkti që po shihni në foto.

Autoriteti Kombëtar i Ushqimit, në hyrje të marketeve ka vendosur fletë-informuese për qytetarët, ku bëhet ta kthejnë produktin në subjektin ku e kanë blerë.

Një ndër qytetet ku është shpërndarë më së shumti, mishi i pulës me salmonelë është Vlora, ku po ushtrohen kontrolle nga AKU-ja.

Përpos marketeve, mishi i kontaminuar me bakterin e salmonelës është shpërndarë dhe në fast-food-e.

H.K/SI.E./ReportTv.al
Komento

Komente

  • Sondazhi i ditës:

    Trump tarifa doganore 10 për qind Shqipërisë, sa ndikon në ekonomi?