Deputeti Erion Braçe ka publikuar disa pamje nga flakët masive që kanë përfshirë Poliçanin. Krahas pamjeve alarmuese, Braçe shkruan në postim se zjarri ka dalë nga qyteti e po ngjitet në Kapinovë, po i afrohet Mbrakullës dhe rrezikohet i gjithë ky fshat, më i madhi i bashkisë, të digjet.
Ligjvënësi socialist u bën thirrje autoriteteve përkatëse të ndërhyjnë nga ajri për shuarjen e flakëve, pasi është e vetmja zgjidhje.
Postimi i plotë i deputetit Erion Braçe:
ALARMI I KUQ NGA ZJARRI;
KJO ËSHTË GJENDJA E ZJARRIT TANI NË POLIÇAN!
Zjarri ka dalë nga qyteti e po ngjitet në Kapinovë, po i afrohet MBRAKULLËS dhe rrezikon i gjithë fshati – më i madhi i bashkisë, TË DIGJET!
I pamundur të shuhet nga toka me zjarrfikëse;
Është lart në mal, nuk ka rrugë; e zbret era e fortë deri poshtë duke rrezikuar të djegë fshatrat me radhë!
NUK KA NDODHUR KURRË KËSHTU;
ZJARRI MË I MADH RENË NDONJËHERË NË KËTO ANË!
SHPËTOJENI POLIÇANIN NGA AJRI!
Lajmi kryesor:
Digjet Shqipëria! Zjarre të fuqishme në Syrin e Kaltër, Finiq, Poliçan, Gramsh, Krujë e Fushë-Arrëz! 30 vatra në 24 orë, evakuime dhe ndërhyrje nga ajri me helikopterë e avionë (VIDEO)
K.M/r.k./ReportTv.al
