Shefi i sektorit të kufirit në policinë e Korçës, Stilian Pasho u arrestua më 30 nentor 2023 nga Agjencia e Mbikqyrjes Policore me akuzën se ka ndihmuar kalimin e një ngarkese me 26 kilogramë drogë e cila është kapur në Greqi. Burime për Report Tv, thanë se Kryekomisari ka shoqëruar Lorenco Likën për të kaluar mjetin tip "Passat" nga pala shqiptare drejt kufirit grek, duke e kaluar edhe vetë kufirin në makinën ku ndodhej droga. Pak metra brenda tokës greke, ai ka dalë nga mjeti, duke u kthyer mbrapsht, pasi u sigurua se lënda narkotike dhe Lika kaluan pa pengesë në kufi.
Burime pranë AMP bëjnë me dije se në disa raste ky punonjës policie ka lëvizur edhe 1 vit më parë në mjet me Lorenco Likën, dhe një person tjetër, e provuar kjo edhe nga sistemi TIMS dhe kamerat e sigurisë. Nga deklarimet e punonjësve të PKK Kapshticë, ata kanë pranuar se kanë qenë të trysnuar nga kryekomisari për të mos kontrolluar mjetin. Zyrtari i policisë, akuzohet se duke shfrytëzuar pozicionin në polici, në intervale të ndryshme kohore dhe së fundi në datë 27 nëntor ka favorizuar Lorenco Likën, në kalimin e kufirit pa iu nënshtruar kontrollit në automjet.
Pasho ka urdhëruar vartësit për mos kryerjen e kontrollit në mjetin ku pas bashkëpunimit me policinë greke u sekuestruan 26 kg lëndë narkotike e nisur nga Shqipëria. Më 28 nëntor policia greke njoftoi arrestimin e 36 vjeçarit për trafikim e 27- pakove me kanabis të papërpunuar, me peshë totale 26 kilogramë.
Droga ishte transportuar në një shtëpi ndërkohë që nga hetimet, rezultoi se kishte hyrë në Greqi nga Shqipëria më 27 nëntor 2023 në orët e mëngjesit. Automjeti i përdorur ishte përshtatur për fshehjen e pakove me drogë në depozitën e impiantit të gazit. Gjatë kontrollit, policia greke sekuestroi edhe 3 mijë euro dhe 3 telefona celularë. Ky operacion i AMP vjen vetëm pak ditë pas emërimit në krye të këtij institucioni të Florian Sulejmanit. Pastrimi i rradhëve të policisë pritet të jetë prioritet në vijim.
Shefi i Kufirit në Drejtorinë e Policisë së Korçës Stiljan Pasho
Shefi i Sektorit të Shërbimeve të Kufirit dhe Emigracionit në Korçë Stiljan Pasho që u arrestua sot ka qenë pasagjer në automjetin ku u kap 26 kg drogë nga policia greke në kufirin shqiptaro-grek disa ditë më parë. Report Tv përmes fotove tregon se droga e kapur ishte fshehur në bomblën e gazit në bagazh të makinës.
Shefi i Kufirit në Korçë Stiljan Pasho i është arrestuar nga Agjencia për Mbikëqyrjen Policore nën dyshimin për përfshirje në trafikun e lëndëve narkotike përveçse ka qenë pasagjer në automjetin e drejtuar nga Lorenco Lika ku u kap 26 kg drogë nga policia greke në kufirin shqiptaro-grek disa ditë më parë, ai u ka bërë presion edhe kolegëve të tij që të mos e kontrollonin makinën.
“Ishim nën presionin e kryekomisarit”, kanë deklaruar policët e Kapshticës.
Report Tv ka siguruar foton e Stiljan Pashos, kryekomisarit të policisë së kufirit në Korçë, i cili akuzohet se ka lejuar kalimin e Lorenco Likës me 26 kg kanabis të fshehura në bagazhin e makinës që drejtonte.
Të tjera detaje janë zbardhur nga arrestimi i kryekomisarit Stiljan Pasho, me detyrë shefi i Sektorit të Shërbimeve të Kufirit në Drejtorinë Vendore të Kufirit dhe Migracionit Korçë. Kryekomisari ka shoqëruar Lorenco Likën për të kaluar mjetin tip "Passat" nga pala shqiptare drejt kufirit grek, duke e kaluar edhe vetë kufirin. Më pas ai ka dalë nga mjeti, duke u kthyer mbrapsht, pasi u sigurua se lënda narkotike dhe Lika nuk kishin më rrezik në kufi. Burime pranë AMP bëjnë me dije se në disa raste ky punonjës policie ka lëvizur edhe 1 vit më parë në mjet me Lorenco Likën, dhe një person tjetër, fakt i provuar edhe nga sistemi TIMS dhe kamerat e sigurisë. Nga deklarimet e punonjësve të PKK Kapshticë, ata kanë pranuar se kanë qenë të trysnuar nga kryekomisari për të mos kontrolluar mjetin. 26 kg drogë që u kapën nga policia greke në kufirin shqiptaro-grek disa ditë më parë ndodheshin në pjesën e bombolës së gazit në bagazh.
Lorenco Lika, i cili arriti të kalonte kufirin greko-shqiptar në Kapshticë me 26 kg kanabis, është arrestuar nga policia greke në Follorinë. Mësohet se arrestimi i tij është bërë në datën 28 nëntor, një ditë pasi Lika kishte kaluar kufirin në Kapshticë pa u kontrolluar fare nga autoritetet ligjzbatuese.
Sipas mediave greke, në pranga kanë rënë edhe 2 persona të tjerë të cilët dyshohen si bashkëpunëtorë të Lorenco Likës.
Si pasojë e operacionit në Greqi, është sekuestruar 26 kg kanabis i papërpunuar, 3 mijë euro dhe tre telefona.
Agjencia e Mbikëqyrjes Policore (Rajoni Korçë-Elbasan_ ka dhënë detaje për arrestimin e kryekomisarit Stiljan Pasho, me detyrë shefi i Sektorit të Shërbimeve të Kufirit në Drejtorinë Vendore të Kufirit dhe Migracionit Korçë.
Dyshohet se Kryekomisari S.P., me veprime konkrete e të drejtpërdrejta, duke shfrytëzuar pozicionin në DVKM Korçë, në intervale të ndryshme kohore dhe së fundmi në datë 27.11.2023 ka favorizuar shtetasin Lorenco Lika të kalojë kufirin në Kapshticë pa iu nënshtruar kontrollit kufitar në automjet, si dhe duke urdhëruar vartësit për mos kryerjen e kontrollit në mjetin e tij.
Në lidhje me këtë procedim penal është bashkëpunuar ngushtësisht edhe me homologët e Policisë greke nëpërmjet Pikës së Bashkëpunimit Policor Greqi – Shqipëri, e si rezultat i këtij bashkëpunimi është bërë e mundur kapja e 26 kg lëndë narkotike në shtetin grek.
Njoftimi
AMP dhe Prokuroria e Korçës arrestojnë Shefin e Sektorit të Kufirit, dyshohet se favorizoi një shtetas që trafikonte drogë
Korçë - Agjencia e Mbikëqyrjes Policore (Rajoni Korçë-Elbasan) ka ekzekutuar urdhërin e Prokurorisë Pranë Gjykatës Së Shkallës së Parë të Juridiksionit të Përgjithshëm Korçë për ndalimin e punonjësit të Policisë Kryekomisar S.P., 53 vjeç, me detyrë Shef i Sektorit të Kufirit pranë DVKM Korçë.
Ndalimi u krye në kuadër të hetimeve të procedimit penal të vitit 2023, referuar nga Sektori i AMP Korçë, regjistruar për veprën penale “Trafikim i narkotikëve“.
Nga veprimet hetimore të kryera nga AMP, nën drejtimin e Prokurorisë Korçë, dyshohet se Kryekomisari S.P., me veprime konkrete e të drejtpërdrejta, duke shfrytëzuar pozicionin në DVKM Korçë, në intervale të ndryshme kohore dhe së fundmi në datë 27.11.2023 ka favorizuar shtetasin L.L. të kalojë kufirin në PKK Kapshticë pa iu nënshtruar kontrollit kufitar në automjet, si dhe duke urdhëruar vartësit për mos kryerjen e kontrollit në mjetin e tij.
Në lidhje me këtë procedim penal është bashkëpunuar ngushtësisht edhe me homologët e Policisë greke nëpërmjet Pikës së Bashkëpunimit Policor Greqi – Shqipëri, e si rezultat i këtij bashkëpunimi është bërë e mundur kapja e 26 kg lëndë narkotike në shtetin grek.
Hetimet në kuadër të këtij procedimi vijojnë për identifikimin e personave të tjerë të mundshëm të përfshirë në aktivitet të paligjshëm dhe vënien e tyre para përgjegjësisë penale.
Komente
Ketij policy stilian pasho ja kan be kurthin vetëm kriminela politikan antishqiptar bashke me kriminela trafikante te tyre. Se ky djali stilian pasho nuk guxon te beje ate pune jo për zotin se e njof shume mire po komunizemi ja beri kurthin
PërgjigjuSe ky ishte i vetmi rast që kaloi drogën ?
PërgjigjuJa pra, Policia qe duam...
PërgjigjuPolicia qe don met rrumbullaku me altinin kunatin e vet,me adriatik kupin dhe me zenel hyken dhe me brahjen e saukut te foreksit.keta te pangopur i din njerzit budallej dhe nuk fryhen duke vjedhur.
Kanceri i këtij vendi është policia. Drejtuesat e policis oficerët e krimit,janë bashkëpuntorë të bandave dhe kriminelve,boni vetingun në polici në mënyrë të rregullt dhe dotë shihni sa polic shefa janë bo milionera,ne dogana ka shum polic që kanë 30 vite në dogana.
PërgjigjuTe ishte nje rast i shkeputur, do isha dakort, por ketu eshte kthyer ne te frikshme implikimi i policise. Keta edhe te nxjerrin ne prite o shok...
PërgjigjuPolicia e shtetit shqiptar pas ndryshimit te rregjimit u kthye ne nje leter higjienike per pushtetaret kriminele e te korruptuar dhe mine me sahat per ligjin e rendin dhe e tille vazhdon prej 31 vjetesh. Ministrat e ketij institucioni ligjzbatues qe nga bashkimkopliku e deri te shoku Tao kane qene figurina korruptive e kriminele te kryetarit te shtetit apo kryeministrit-kryekriminelet e ketij 31 vjeçari dhe dhe sot. E cfare eshte nje shef kufiri ne Korçe qe arrestohet per 26 kg drove kontrabande... hiç fare nje halabak kryekomisar qe punon per mafien politike shteterore.
PërgjigjuKur te dalin nga burgu Stiljanoja dhe Lorencoja do behen partnere ne /biznes/ 50/50.Columbia, here we come!!
PërgjigjuHe mo drejtor i pergjithshem ca do thuash tani ???a ndjen ndonje cik pergjegjesi per ata qe promovon,vetem sot ke djegur 55 oficera nenkomisar qe te mos konkurojne per grade me komisionin e apelit te drejtuar nga vartesi jot sokol bizhga duke lene ne fuqi 55 verejtje te renda dhe mos hequr asnje ,i ulet koken oficerave te karrieres vetem e vetem pse nuk jane ushtaret e juaj dhe te krimit.
PërgjigjuPo o shoku po, se po i bjen nder mend grupit ciftelia per ty...
Sajesa denigruese per te mbulu pislleqet qe bejn vet kto ndyresira.
PërgjigjuVetem kufitaret e Shkodres vazhdojne sypatrembur te kapin cigare hashashi kurse bomblat me drog nuk i shofin...
PërgjigjuBudallit nuk i mjafton rroga mujore. Tani ta mbaj me dore.
PërgjigjuPo nqs del i pafajshem cfare d thuash?
Përgjigju