Etja e tepërt ose e vazhdueshme nuk ka të bëjë vetëm me nevojën për ujë. Ajo mund të jetë tregues i një problemi shëndetësor që kërkon vëmendje të menjëhershme.
Etja intensive dhe e vazhdueshme që nuk shuhet edhe pas pirjes së bollshme të lëngjeve njihet ndryshe si polydipsia.
Ajo mund të shkaktojë mjegullim të shikimit dhe plogështi. Ajo mund të shkaktohet nga prania e një sëmundjeje, diarea, gjakderdhja, konsumi i ushqimeve të kripura e pikante, të vjellat dhe aktiviteti i tepërt fizik.
Konsumi i medikamenteve të ndryshme siç është litiumi apo diuretikët shkaktojnë etje të tepërt. Duhanpirja, kafeina, mungesa e vitaminave, stresi, problemet me veshkat, zemrën ose mëlçinë gjithashtu shkaktojnë etje të vazhdueshme.
Trajtimet e duhura të etjes së vazhdueshme
Ekspertët thonë se nëse etja e vazhdueshme është nevojë natyrale për lëngje, ajo mund të trajtohet edhe duke ngrënë ushqime hidratuese gjatë ditës.
Mënyra më e mirë për të dalluar nëse trupi ka lëngje të mjaftueshme është ngjyra e urinës. Nëse ngjyra është e errët atëherë trupi juaj ka nevojë për më shumë lëngje.
Për të shuar etjen ju mund të konsumoni më shumë prej ushqimeve të mëposhtme:
-Selino
-Shalqi
-Domate
-Agrume
-Fruta pylli
-Kastravec
-Speca
-Spinaq
