Nga luftimet Izrael-Liban
Ashpërsohen luftimet mes Izraelit dhe Hezbollahut në Liban. Bombardime të dyanshme, viktima dhe shkatërrime.
IDF njoftohet nga media të ndryshme, ka hyrë të paktën 500 metra në territozin libanez pas luftimeve më të fundit, në operacionin tokësor të nisur sot (1 Tetor).
Nga ana tjetër, rreth 30 raketa u lëshuan nga Libani drejt Izraelit verior në orët e fundit dhe të gjitha ranë në zona të hapura. Këtë e raportuan forcat e armatosura izraelite, duke shtuar se luftëtarët e IDF-së sulmuan raketat e Hezbollahut, që synonin Izraelin dhe depot e armëve.
Hezbollahu mori përgjegjësinë edhe për sulmin me raketa në Izraelin qendror, duke thënë se lëshoi raketa Fadi-4 në bazën Glilot, afër Herzliya, jo shumë larg Tel Avivit. Baza është shtëpia e Njësisë 8200 të Forcave të Mbrojtjes të Izraelit (IDF) dhe selia e Mossad. Kështu raporton “Times of Israel”.
Nga sulmi u plagosën lehtë dy persona, mes tyre një 54-vjeçar. Nga 3 ose 4 raketa të lëshuara nga Hezbollahu, disa u kapën ndërsa një ra në Rrugën 6, afër Kafr Qasim.
Një zyrtar izraelit i sigurisë tha se nuk kishte pasur përleshje të drejtpërdrejta me Hezbollahun brenda Libanit, duke kundërshtuar pretendimet e mëparshme të IDF për "luftime të rënda" që po ndodhin. Këtë e raporton “The Guardian”.
Sipas televizionit satelitor al-Arabiya, forcat izraelite kanë hyrë 500 metra në territorin libanez. IDF nisi një operacion kundër Hezbollahut gjatë natës (30 Shttaor-1 Tetor). Më parë, një burim libanez i sigurisë i tha Asharq Al-Awsat se "forcat izraelite nuk kanë hyrë ende në territorin libanez, pavarësisht njoftimit të IDF se është përfshirë në luftime të rënda në Libanin jugor".
Lajmi kryesor:
Lufta/ Irani lëshoi 200 raketa drejt Izraelit, IDF u përgjigjet me bombardime! Mbi 70 të vdekur në 24 orët e fundit në trekëndëshin Liban-Gaza-Izrael!
A.Q/ReportTv.al
