Kristian Kola u ekzekutua mbrëmjen e sotme në qytetin e Shkodrës nga dy persona të ciët u larguan më pas me motorr.
Viktima ndodhej në ambientet e jashtme të një lokali, në momentin e vrasjes.
Policia e Shkodrës njofton se ngjarja ndodhi rreth orës 22:30, në lagjen “Vasil Shanto”, në rrethana ende të paqarta, dy persona ende të paidentifikuar kanë vrarë me armë zjarri 34- vjeçarin.
Shkodër / Informacion paraprak Rreth orës 22:30, në lagjen “Vasil Shanto”, në rrethana ende të paqarta, dy shtetas ende të paidentifikuar dyshohet se kanë vrarë me armë zjarri shtetasin K. K., 34 vjeç, i cili ishte në ambientet e jashtme të një lokali.
Shërbimet e Policisë kanë shkuar menjëherë në vendngjarje, janë ngritur pika kontrolli në dalje të qytetit dhe vijojnë kontrollet në zonë e në ambiente të ndryshme, për kapjen e autorëve.
Ndërkohë, është ngritur një grup i posaçëm hetimor, i cili, nën drejtimin e Prokurorisë, po punon intensivisht për sqarimin e rrethanave, dokumentimin ligjor, si dhe për identifikimin dhe kapjen e autorëve.
Lajmi kryesor:
Atentat në qendër të Shkodrës, 34-vjeçari ekzekutohet duke pirë kafe te një lokal te ‘Kinema Republika’! 2 autorët me motor dhe skafandra e qëlluan disa herë (VIDEO)
S.B/ReportTv.al