RROGOZHINË - Kampionët në fuqi të Kupës së Shqipërisë, Egnatia iu bashkua Vllaznisë dhe Partizanit duke u bërë skuadra e tretë që ka siguruar biletën për në gjysmëfinalet e këtij turneu.
Mesditën e së mërkurës skuadra rrogozhinase barazoi 2-2 kundër Bylisit në shtëpi, teksa sfida e parë ishte në favorin e tyre 1-3 dhe është pikërisht Egnatia që kalon më tej.
Ndeshja nisi mirë për Bylis që gjeti golin me Mario Gjatën pas 24 minutave lojë, para se Xhemajli të barazonte në fundin e pjesës së parë. Bakayoko në minutën e 71 i dha epërsinë vendasve, teksa Kane 11 minuta nga fundi "vulosi" sfidën në 2-2. Ky barazim paçka se me djersë i shërben Egnatias për të kaluar më tej.
Sot në orën 16:30 merr jetë edhe Skënderbeu - Dinamo, nga ku do kompletohet panorama me katër skuadrat që do jenë pjesë e shortit për fazën gjysmëfinale të Kupës.
Kupa e Shqipërisë, sfidat çerekfinale të kthimit:
E martë, 25 shkurt 2025
17:00 Partizani 2-1 Laçi (0-0)
17:00 Vllaznia 3-3 AF Elbasani (0-0) / 5-4 me penallti
E mërkurë, 26 shkurt 2025
13:30 Egnatia 2-2 Bylis (3-1)
16:30 Skënderbeu - Dinamo (2-0)
*Në kllapa rezultatet e ndeshjeve të para
*Gjysmëfinalet do përcaktohen me short të lirë
Komente
