“Nata e Bardhë” vjen plot surpriza, edhe këtë vit. Bashkia Tiranë ka menduar që edhe këtë vit për Festën e Çlirimit të vendit, më 29 Nëntor, të organizojë një sërë aktivitetesh festive ku në thelb të festimeve të jetë historia e luftës kundër nazifashistëve. Më pas festa do të kurorëzohet me një mbrëmje në sheshin “Skënderbej” me rastin e “Natës së Bardhë”. Edhe Bunk’Art2 do të jetë i hapur gjatë gjithë natës me rastin e 'Natës së Bardhë'.
Gjithçka është konceptuar si një festë 24-orëshe, për t’u mbyllur me spektaklin në sheshin “Skënderbej” nën ritmin e muzikës. Përveç divës së muzikës shqiptare Aurela Gaçe, në skenë do ngjitet edhe Melissa Magnaneli, këngëtarja e talentuar dhe me zë brilant që përfaqësoi Shqipërinë në festivalin ndërkombëtar, Sanremo Junior 2012. Në skenë do ngjiten edhe këngëtarët Krenar Seiti, Xheisara etj.
Komente
