Kryeministrja e Serbisë Ana Brnabiç aktualisht është duke vizituar Qendrën Multimediale, e cila ndodhet afër kishës së Shën Dimitrije në Mitrovicë, e cila është rregulluar me fondet e Qeverisë së Serbisë dhe autoritetit të përkohshëm të Mitrovicës së Kosovës.
Brnabiç gjatë fjalimit të saj duke iu drejtuar qytetarëve të kësaj komune tha se dëshironte të përcillte mesazhe paqeje, stabiliteti dhe tolerance.
"Dëshiroj që nga këtu të dërgoj mesazhin për qetësi, stabilitet dhe tolerancë, gjithashtu një porosi nga presidenti Aleksandër Vuçiç, që gjithmonë do të jemi me popullin tonë në Kosovë e Metohi. Gjithnjë do të mund të mbështeteni në Serbinë tuaj.
Jam shumë e lumtur që pas provokimeve të fundit më 31 korrik, kemi arritur të ruajmë qetësinë. Interesi i popullit serb është paqja dhe stabiliteti. Në pesë vitet e fundit kemi investuar shumë më tepër se në vitet e kaluara", tha kryeministrja serbe.
Lajmi kryesor:
Vizita e parë që kur u zgjodh kryeministre e Serbisë! Ana Brnabiç mbërrin në veri të Kosovës: Interesi ynë është paqja dhe stabiliteti
S.C/ReportTv.al