Korçë- Bie intensiteti i zjarreve në dy vatrat aktive në qarkun e Korçës.
Situata për zjarrin më problematik të rënë në fshatin vërnik të Devollit paraqitet më e qetë ditën e sotme, sipas informacioneve që vijnë nga Emergjencat lokale.
Prej orës 05:00 të mëngjesit janë duke punuar 75 forca nga MZSH, shërbimi pyjor e publik.
“Besojmë që të neutralizohen, në rast se nuk do ketë riaktivizim prej erës dhe temperaturave përsëri të larta që priten edhe sot”, thanë zyrtarët lokalë.
Kurse në vatrën e dytë, zjarrin në Dishnicë të Korçës, prej mëngjesit janë aktivizuar 55 forca nga MZSH dhe shërbimi pyjor e publik. Distanca është e largët dhe terreni i thepisur e në lartësi.
Vatrat e zjarrit janë të favorizuara nga era, si dhe dendësia e bimësisë së shumëllojshme, teksa vijon operacioni për shuarjen e plotë.
Lajmi kryesor:
Përparon zjarri në Dukat/ Report Tv në ‘zemër’ të flakëve, zjarrfikësi nga spitali në front! 3 avionë nga Italia dhe Greqia në Vlorë e Dibër (VIDEO)
A.Q/ReportTv.al