Ora 13:30 Informacion mbi situatën e motit në Bashkinë Shkodër
Reshjet e borës vazhdojnë të jenë të pranishme, ndërsa në zonat malore të territorit të Bashkisë Shkodër ka pasur një ulje të ndjeshme të temperaturave.
Aksi rrugor Bogë - Bregu i Lumit është i kalueshëm
Aksi rrugor Kir - Shosh është i bllokuar për shkak të shembjeve të dheut dhe reshjeve të borës.
Njësitë Administrative Shalë dhe Shosh janë pa energji elektrike. Probleme me furnizimin me energji janë raportuar edhe në Nj. A. Postribë, Rrethina, Gur i Zi, Velipojë, Ana e Malit. Grupet e OSHEE-së ndodhen në terren për riparimin e defekteve të shkaktuara nga moti i keq, përfshirë reshjet e borës dhe stuhitë e erës.
Kujdes për drejtuesit e automjeteve:
Qarkullimi në zonat malore duhet të kryhet vetëm me goma dimërore dhe zinxhirë.
Duke marrë parasysh kushtet e vështira atmosferike dhe rreziqet e mundshme, u bëhet thirrje qytetarëve dhe udhëtarëve të kontrollojnë gjendjen e automjeteve të tyre dhe të shmangin udhëtimet e panevojshme për të minimizuar çdo rrezik që mund të sjellë moti i keq.
Lajmi kryesor:
Moti i Keq/ Vendi përfshihet nga shiu e bora, bllokohet bypass i Murrizit e 'Rruga e Arbrit', edhe Vlora nën ujë! Pezullohet mësimi në 77 shkolla
S.G/E.H/ReportTv.al
