Skuadrat kombëtare në Evropë janë në garë të ethshme për të grumbulluar sa më shumë pikë, në mënyrë që të sigurojnë një vend në finalet e Botërorit 2026 që do zhvillohet verën që vjen në SHBA, Meksikë dhe Kanada.
Mbrëmjen e të premtes u zhvilluan dhjetë takime, ku skuadrat pretendente siguruan tri pikë.
Në Basel, Zvicra fitoi pa shumë vështirësi 4-0 kundër Kosovës. Tanët nuk patën forcë për të përballuar ekipin e Murat Yakin. Helvetët iu falën dopietës së Embolo dhe golave të Akanji dhe Widmer.
Në Bergamo, Italia fitoi 5-0 kundër Estonisë në debutimin e Gennaro Gattusos në stolin e kaltër. Pesë golat u shënuan në pjesën e dytë me autorë Retegui (2x), Kean, Raspadori dhe Bastoni. Italia kthehet në garë për vendin e dytë në Grupin I.
Në fushën neutrale të Wroclaw, 'vendasit' e Ukrainës u mposhtën 0-2 nga Franca. 'Gjelat' shënuan me Olise dhe Kylian Mbappe.
Në Torshavn, Ishujt Faroe u treguan një 'kockë e fortë' duke u mposhtur vetëm 0-1 nga Kroacia. Me Modric dhe Co në fushë, kroatët iu falën golit të Adrej Kramaric në minutën e 31.
Në përballjet e tjera, Greqia fitoi 5-1 kundër Bjellorusisë, Izraeli mposhti Moldavinë, Çekia fitoi në Malin e Zi, ndërsa Suedia barazoi 2-2 në Slloveni. Barazim, por pa gola dueli Danimarkë - Skoci.
Kupa e Botës 2026 - kualifikueset, 05 shtator 2025
Grupi B
Slloveni 2-2 Suedi
Zvicër 4-0 Kosovë
Grupi C
Danimarkë 0-0 Skoci
Greqi 5-1 Bjellorusi
Grupi D
Islandë 5-0 Azerbajxhan
Ukrainë 0-2 Francë
Grupi I
Itali 5-0 Estoni
Moldavi 0-4 Izrael
Grupi L
Ishujt Faroe 0-1 Kroaci
Mali i Zi 0-2 Çeki
Komente
